Munch i Paris
Søndag var Hennar Majestet Dronning Sonja til stades ved førpremieren på Munch-utstillinga "L'oeil moderne" ved Pompidou-senteret i Paris. "Det moderne auget" presenterer eit mangfald av format Edvard Munch uttrykte seg gjennom.
Munch kom til Paris i 1885 og utvikla det grafiske uttrykket sitt her, blant anna som elev av den franske målaren Léon Bonnat. I denne utstillinga er teikningar, grafikk, skulptur og film med å få fram ein heilt spesiell presentasjon av Edvard Munchs kunst – og hans moderne blikk.
Under ei mottaking i Den norske klubben i Paris i forkant av førpremieren peika Dronninga på korleis denne utstillinga plasserer Munch blant verdas moderne avantgarde-kunstnarar frå det 20. hundreåret.
"Edvard Munch, l'oeil moderne"
Utstillinga viser ei samling verk som ikkje er vist i Frankrike tidlegare. Omkring 80 måleri, i tillegg til teikningar og grafikk, 50 fotografi og ein film viser korleis Munchs interesse for ulike uttrykksformer inspirerte han. Innovasjonar i samtida – utbreiinga av fotografi og film, illustrert presse, til og med Munchs arbeid for teateret, var med på å påverke kunsten hans.
Utstillinga blir vist i Centre Pompidou frå 21. september til 9. januar 2012.
-
Pompidou
Dronning Sonja med Frankrikes minister for kultur og kommunikasjon, Frederic Mitterrand (i midten) og Alain Seban, lederen av Pompidou-senterets museum for moderne kunst. (Foto: Thomas Samson, AFP / Scanpix)Bilde 1 av 1
Større bildeAktuelle saker
Utnevnelse til St. Olavs Orden
H.M. Kongen har utnevnt preses i Bispemøtet, biskop Helga Haugland Byfuglien, Oppegård til Kommandør av Den Kongelige Norske St. Olavs Orden
Mintest Holocaust
Den Høgvørde Kronprinsregenten la i ettermiddag ned krans på vegner av Noreg ved Holocaust-minnesenteret Yad Vashem i Jerusalem. Måndag er det 75 år sidan frigjeringa av Auschwitz.