Stiftsgården
Stiftsgården i Trondheim er ei av dei største trebygningane i Norden. Sidan 1906 har paleet vore den offisielle kongebustaden i byen.
Stiftsgården har stått i sentrum for ei rekke store hendingar, mellom anna under fire kroningar og to signingar i Nidarosdomen. Då gjekk dei høgtidelege prosesjonane frå Stiftsgården til katedralen - og tilbake igjen då seremonien var over. Det var i høve kroninga av Kong Haakon VII og Dronning Maud i 1906 at paleét fekk sin status som offisiell kongebolig.
Kongeparet inviterte til stor fest i Stiftsgården då dei feira sine 60-årsdagar og Prinsesse Märtha Louise feira bryllup her i 2002. 100-årsdagen for kroninga i 1906 ble behørig feira i Stiftsgårdens saler, og då Kongeparet markerte 25 år som Norges konge og dronning, vart det halde hagefest.
Stiftsgården er bustad for dei kongelege når dei er i Trondheim, og hausten 2024 budde Prins Sverre Magnus her.
Store besøk i Stiftsgården
Historie og arkitektur
Stiftsgarden vart bygd som bustad for enkjefru geheimerådinne Cecilie Christine Schøller mellom 1774 og 1778. Som ein av byens mest framståande borgarar var det viktig at bustaden fekk ei plassering og ein storleik som gav uttrykk for makt og rikdom. Det flotte paléet vart reist ved byens paradegate og hadde meir enn 100 rom.
Stiftsgården
Fakta om Stiftsgården
- Bygd som bustad for geheimrådinne Cecilie Christine Schøller
- Reist mellom 1774 og 1778
- Nordens største trepalé
- Over 100 rom
- Omlag 4 000 kvadratmeter
- Offisiell kongebustad sidan 1906
Stiftsgården er eigd av staten, blir forvalta av Statsbygg, og Hans Majestet Kongen har disposisjonsrett.
Et hovudverk i norsk arkitektur
Stiftsgården blir rekna som eit av hovudverka i norsk arkitektur. Paleet er oppført i overgangen mellom rokokko og nyklassisisme, og begge stilartane kjem til uttrykk i bygninga. Fasaden er prega av ein enkel og stram nyklassisisme, mens rokokkoen kjem til uttrykk i detaljane. Anlegget består av ein hovudfløy med to sidefløyer.
Gardssida vender ut mot det opphavlege hageanlegget, Stiftsgårdsparken, som vart laga i rokokkostil.
Stiftsgården - Fasade og interiører
Omvisning
Stiftsgården er open for publikum om sommaren. Sjå detaljar hos Nordenfjeldske kunstindustrimuseum.
