Fredspriskonserten 2014
I går kveld vart fredsprisvinnarane Kailash Satyarthi og Malala Yousafzai hylla med den tradisjonelle fredspriskonserten i Oslo Spektrum.
Onsdag vart Nobels fredspris 2014 tildelt Kailash Satyarthi og Malala Yousafzai for kampen deira mot undertrykking av barn og unge og for alle barns rett til utdanning. Torsdag kveld vart fredsprisvinnarane feira med musikk og dans i Oslo Spektrum.
Musikalsk hyllest
Det var duka for ei storstilt feiring av dei to fredskjemparane frå India og Pakistan i går kveld. Oslo Spektrum var fylt av menneske som ønskte å vise si takksemd for arbeidet Kailash og Malala har lagt ned for barn og unge. Kronprins Haakon og Kronprinsesse Mette-Marit var til stades saman med barna Prinsesse Ingrid Alexandra, Prins Sverre Magnus og Marius.
Bidragsytarar frå mange land
Kvart år blir denne hyllesten til vinnaren av Nobels fredspris arrangert, og bidraga kjem frå artistar frå heile verda. Både vokalistar og musikarar, dansarar og skodespelarar bidreg. Konserten er ein smeltedigel av ulike sjangrar og kulturelle uttrykk.
Queen Latifa leidde festframsyninga i år, og på scenen stod Amjad Ali Khan, Bolly Flex Dancers, Gabrielle, Girls of the World, Laura Mvula, Seinabo Sey, Steven Tyler og Ustad Rahat Fateh Ali Khan – og sjølvsagt Kringkastingskorkesteret, KORK.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.