Opna utstilling i Sandvika
På den internasjonale Downs syndrom-dagen 21. mars opna Prinsesse Märtha Louise ei utstilling i regi av foreldreforeininga Ups & Downs Bærum.
Utstillinga består av kunstverk laga av 18 barn og ungdommar og blir vist fram til 27. mars på Artista Gallerikafé i Sandvika.
Målekurs
Kunstnarane er barn og ungdom med Downs syndrom som har delteke på kunstkurs på Henie-Onstad Kunstsenter i vinter. Tema for kursa har vore Picasso (sjølvportrett) og Kurt Schwitters (landskap).
«Det at kunstverka er eit resultat av eit målekurs som Prinsesse Märtha Louises fond har vore med på å støtte, gjer dagen ekstra spesiell for meg. Dette er eit godt eksempel på akkurat det vi i fondet ønskjer å støtte, nemleg tiltak som kan gje funksjonshemma barn glede i kvardagen,» sa Prinsesse Märtha Louise i opningstalen.
Prinsesse Märtha Louises fond
I år feirar Prinsesse Märtha Louises fond 40 år. Prinsessa oppfordra òg Ups & Downs og andre organisasjonar som arbeider for funksjonshemma barn, til å søkje om støtte til aktivitetane sine gjennom fondet:
«Det finst eit mangfald av aktivitetar som gleder barn. Og dette blir spegla i søknadene vi får. I fjor vart det gjeve bidrag til diskotek, teater, instrument, idrett, pizzakveld, ferieturar og sjølvsagt kunstkurs, berre for å nemne noko.»
Etter sjølve opninga fekk Prinsessa og Bærums ordførar Lisbeth Hammer Krogh ei omvising i utstillinga og fekk møte dei unge kunstnarane.
Den internasjonale Downs syndrom-dagen
Utstillingsopninga vart lagd til den internasjonale Downs syndrom-dagen 21. mars.
For første gong er det ein offisiell FN-dag.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.